Қазақстанға тіркелмеген дәрілер қандай жағдайда әкелінеді

Сурет: pixabay

Денсаулық сақтау министрлігі 2023 жылғы 11 шілдедегі "ҚР мемлекеттік тіркеуден өтпеген дәрілік заттар мен медициналық мақсаттағы бұйымдарды гуманитарлық көмек ретінде ҚР аумағына әкелу жағдайларын анықтау туралы" бұйрығын бекітті, деп хабарлайды Zakon.kz.

Бұйрықпен Қазақстан Республикасында мемлекеттік тіркеуден өтпеген гуманитарлық көмек ретінде Қазақстанға дәрілік заттар мен медициналық мақсаттағы бұйымдарды әкелудің мынадай жағдайлары айқындалады:

Қазақстан Республикасының аумағында халықтың өмірі мен денсаулығына қауіп төндіретін төтенше жағдайлардың алдын алу немесе олардың зардаптарын жою;
төтенше жағдайды енгізу мерзімі;
аса қауіпті жұқпалы және паразиттік аурулардың алдын алу және емдеу;
орфандық (сирек кездесетін) ауруларды емдеу.

Бұйрық 2023 жылғы 24 шілдеде күшіне енеді.

Оқи отырыңыз