Мемлекеттік күзет қызметі бұдан былай Қазақстанның тұңғыш президентінің қауіпсіздігін қамтамасыз етпейді
Сурет: elbasy.kz
Атап айтқанда, қазір МКҚ міндеттеріне мыналар кіреді:
- Қазақстан Республикасы Президентінің және басқа да күзетілетін адамдардың қауіпсіздігін қамтамасыз ету;
- Қазақстан Республикасы Президентiнiң және басқа да қорғалатын адамдардың өмiрiне, денсаулығына, құқықтарына, бостандықтарына, қадiр-қасиетiне және мүлкiне қарсы құқық бұзушылықтарды анықтау, олардың алдын алу және жолын кесу;
- күзетілетін объектілерде және күзетілетін адамдардың басқа да болатын жерлерінде мүлікті қорғау, қоғамдық тәртіп пен қауіпсіздікті қамтамасыз ету;
- өз өкілеттіктері шегінде терроризмге қарсы іс-қимылды жүзеге асыру;
- күзетілетін адамдар мен объектілерге қауіптерді болжау және анықтау, олардың алдын алу және залалсыздандыру жөніндегі жедел іс-шаралар кешенін жүзеге асыру;
- Қазақстан Республикасының Мемлекеттік Туы мен Қазақстан Республикасы Мемлекеттік Елтаңбасының эталондарын қорғауды жүзеге асыру және салтанатты және хаттамалық іс-шараларды өткізуге қатысу;
- президенттік хабарламаларды қамтамасыз етуді ұйымдастыру;
- заңдарда және Қазақстан Республикасы Президентінің актілерінде айқындалған өзге де міндеттер.
Бұрын Мемлекеттік күзет қызметі Қазақстан Республикасының Тұңғыш Президенті – Елбасының қауіпсіздігін қамтамасыз етті, сондай-ақ Қазақстан Республикасының Тұңғыш Президенті – Елбасының өміріне, денсаулығына, құқықтарына, бостандықтарына, қадір-қасиеті мен мүлкіне қарсы құқық бұзушылықтарды анықтау, алдын алу және жолын кесу, оны Қазақстан Республикасының аумағында және одан тыс жерлерде халықаралық және өзге де байланыс түрлерімен қамтамасыз ету міндетін атқарды.
Енді бұл тармақтар Мемлекеттік күзет қызметі туралы ережеден алынып тасталды. Қазақстан Республикасының Тұңғыш Президенті – Елбасының қауіпсіздігін қамтамасыз ету жөніндегі қауіпсіздік шараларын ұйымдастыру және өткізу де ережеден алынып тасталды.
Жарлық 2023 жылғы 4 тамыздан бастап қолданысқа енгізіледі.
Бұған дейін Елбасының қоғамдық қорлауы мен иммунитетін бұзғаны үшін қылмыстық жауапкершілік алынып тасталды.
