Астанада 12 автобус бағытының қозғалыс кестесі уақытша өзгереді

Сурет: unsplash

Астанада Манас көшесіндегі жол жұмыстарына байланысты 12 автобус бағыты уақытша қозғалыс тәртібін өзгертеді, деп хабарлайды Zakon.kz.

"Қалалық көлік жүйелері" ММ хабарлауынша, Манас көшесінің бойындағы жолды жөндеуге байланысты Астанадағы №23, 48, 72, 80, 304, 313, 315, 316, 318, 321, 322, 327 автобус бағыттары өзгертіліп жатыр.

№23 автобус Абылайхан даңғылы, Рысқұлбеков көшесі мен Құдайбердіұлы даңғылын айналып өтеді. №72 және №48 автобустар Абылайхан даңғылының бойымен өтіп, Рысқұлбеков көшесіне бұрылады. Басқа көрсетілген автобустар Абылай хан даңғылы мен Мұстафин көшесінен бұрылып, одан кейін Құдайбердіұлы даңғылымен жүреді.

Өзгерістер жол жөндеу жұмыстары аяқталғанға дейін күшінде болады.

Бұған дейін Астанада 11 автобус бағытының қозғалыс схемасы өзгертілген еді.

Оқи отырыңыз