Алматыда 29-31 шілде аралығында бірнеше көше жабылады

Алматы қаласында 29-31 шілде аралығында жабылатын көшелердің сызбасы жарияланды, деп хабарлайды Zakon.kz.

29 шілде сағат 23:00-ден 31 шілде сағат 06:00-ге дейін Абай даңғылының солтүстік жағындағы Есентай өзеніндегі көпірден Әуезов көшесіне дейін жол жабылады.

Сурет: Telegram/AlmatyJoly

Бұған қоса Байтұрсынұлы көшесінен Әуезов көшесіне дейінгі аралықта қозғалыс шектеледі.

Бұл аумақты Сәтбаев, Байтұрсынұлы, Шевченко және Әуезов көшелері арқылы айналып өтуге болады. Әуезов, Манас, Байтұрсынов көшесінен көлік тура кесіп өте алады.

Мұқанов көшесі, Байзақов көшесі, Биокомбинатская көшесінің қиылысындағы бұрылыстарда жол жүру шектеледі, айналма жол Шевченко көшесі мен Манас көшесінде.

Алматыда Абай даңғылының бір бөлігі жөндеу жұмыстарына байланысты уақытша жабылады.