ДСМ Қарағанды облысындағы балалардың улануы жайында: Жасөспірімдер тамақтан ұшынбаған
Сурет: primeminister.kz
2023 жылғы 1 тамызда Үкімет отырысында бас санитарлық дәрігер, Денсаулық сақтау вице-министрі Айжан Есмағамбетова Қарағанды әлеуметтік мекемесіндегі ТЖ туралы егжей-тегжейлі айтып берді. Оның айтуынша, бұл тамақтан уланумен байланысты емес, деп хабарлайды Zakon.kz.
Бас дәрігердің айтуынша, уланудың себебін анықтау үшін уақыт керек.
"Алғашқы балалар 30 шілдеде ауруханаға түскен, қалғандары кеше, 31 шілдеде жатқызылды. Бұған дейін тамақтан уланды деген күдік болған, бірақ алғашқы тексеру мұның тамақтан улануға еш қатысы жоқ екенін көрсетті. " Айжан Есмағамбетова
Сондай-ақ ол Қарағанды облысындағы медициналық-әлеуметтік мекемеде балалардың улануы туралы ақпарат 31 шілдеде түскенін айтты.
"Ауруханаға 12 бала түсті. Бүгін оларға шығу тегі белгісіз улану диагнозы қойылды, уланудың себебі әлі анықталған жоқ. Өте аз уақыт өтті. 12 баланың ішіндегі бір бала, өкінішке орай, қайтыс болды, алтауы реанимацияда. Жағдайлары орташа ауыр. Бұлардың барлығы жасөспірім жастағы ұлдар. Айжан Есмағамбетова
Балалардың жағдайының ауырлығын ескерген Денсаулық сақтау министрі Қарағандыға шұғыл түрде жолға шықты.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Тәулік
Апта
Ай
Жыл
