Қарағанды облысында балалардың жаппай улануы: ауруханадағы балалардың қазіргі жағдайы қалай

Қарағанды облысы, жаппай улану, «Қарағанды облысының балаларға арнаулы әлеуметтік қызметтер көрсету орталығы» КММ , сурет - Zakon.kz жаңалық 07.08.2023 10:35

Сурет: pixabay

Қарағанды облысының әкімдігі әлеуметтік қызметтер көрсету орталығында уланып, ауруханаға түскен балалардың қазіргі жағдайынан хабардар етті, деп мәлімдейді Zakon.kz.

Қарағанды облысы әкімдігінің баспасөз қызметінің 7 тамызда хабарлауынша, зардап шеккен бірнеше баланың жағдайы жақсарған: бүгін тағы үш бала ауруханадан шығарылмақ.

"7 тамыздағы жағдай бойынша жансақтау бөлімінде алты бала жатыр, жағдайы тұрақты ауыр. Нейробокс бөліміндегі науқастардың (үш бала) динамикасы тұрақты, жағдайы нашарлаған жоқ. Барлығы тоғыз науқас, екеуі балалар ауруханасында жансақтау бөлімінде, қалған жетеуі облыстық клиникалық аурухананың жұқпалы аурулар орталығында жатыр. Үш баланы шығару жоспарланып отыр", – деді баспасөз қызметі.

30 шілде күні Қарағанды облысындағы балаларға арнаулы әлеуметтік қызмет көрсету орталығында балалар уланғаны белгілі болды. Алғашында екі бала, кейін мекеменің тағы 10 тәрбиеленушісі өзін нашар сезінген. Зардап шеккендер ауруханаға жатқызылды, бір бала көз жұмды. Жаппай улану фактісі бойынша қылмыстық іс қозғалды. Екі бала 2 тамызда ауруханадан шығарылды.

Оқи отырыңыз