Синоптиктер 8 тамызда елімізде күн райы құбылмалы болады деп болжады

Қазақстан, ауа райы болжамы, жаңбыр, найзағай, бұршақ, сурет - Zakon.kz жаңалық 07.08.2023 17:35

Сурет: pixabay

Синоптиктер 2023 жылғы 8 тамызда Қазақстанда күн райы қандай болатынын айтты, деп хабарлайды Zakon.kz.

Бұрынғыдай атмосфералық фронтальды учаскелердің өтуімен Қазақстан Республикасының басым бөлігінде күн райы құбылмалы болады. Синоптиктер жаңбыр жауады деп болжап отыр.

"Республиканың солтүстік-батысында, шығысында, оңтүстік-шығыстың таулы аймақтарында найзағай ойнап, бұршақ аралас жаңбыр жаууы мүмкін. Тек Қазақстанның батысында күн жауын-шашынсыз болады". "Қазгидромет" РМК

Республика бойынша екпінді жел соғады. Қазақстан Республикасының солтүстік-батысында түнде және таңертең тұман түседі.

Астанада – көшпелі бұлт шығады, жауын-шашынсыз. Солтүстік-шығыстан 7-12 м/с жел соғады. Ауа температурасы түнде +14+16°С, күндіз +28+30°С.

Алматыда – көшпелі бұлт шығады, күндіз өткінші жаңбыр жауады, найзағай ойнайды. Оңтүстік-батыстан соғатын желдің күші 3-8, найзағай кезінде екпіні 15-20 м/с болады. Ауа температурасы түнде +18+20°С, күндіз +28+30°С.

Шымкентте – көшпелі бұлт шығады, өткінші жаңбыр жауады, найзағай ойнайды. Оңтүстік-батыстан соғатын желдің күші 8-13, таңертең және күндіз екпіні 15-20 м/с болады. Ауа температурасы түнде +19+21°С, күндіз +31+36°С.

Оқи отырыңыз