Қызылордада егде жастағы емделуші аурухананың терезесінен құлап кетті

Аурухананың 61 жастағы науқасы медициналық мекеменің балконынан құлап қайтыс болды, деп хабарлайды Zakon.kz.

Қайғылы оқиға 6 тамызда болған. Ауруханадағы науқас балконнан құлап, алған жарақаттарынан көз жұмды. Оқиғаның мән-жайы әзірге белгісіз, деп хабарлайды Қызылорда жаңалықтары.

Қызылорда облысының полиция департаменті әйелдің өлімі фактісін растады. Ведомствоның баспасөз қызметі іс "Өзін-өзі өлтіруге итермелеу" бабы бойынша қозғалғанын хабарлады. Қылмыстық істің басқа мәліметтері жарияланбайды.

Бұған дейін Қарағандыда 27 жастағы келіншек төртінші қабаттың терезесінен құлап, ауыр жарақат алған. Нәтижесінде есін жимай қайтыс болды.