Алматыда мыңнан астам тұрғын қызылша жұқтырған

Алматыда наурыз айынан бастап мыңнан астам тұрғын қызылша жұқтырған. Басым бөлігі 14 жасқа толмаған балалар.

Санитариялық-эпидемиологиялық бақылау департаментінің мәліметінше, тұрақсыз эпидемиологиялық жағдай байқалады, деп жазады qazaqstan.tv.

Мамандар науқаспен байланысқа түскен 15 мыңға жуық адамды анықтаған. 300-ге жуық адамға шұғыл екпе салынған.

Барлық байланысқа түскендер медициналық бақылауға алынып, қызылшаның алдын алу шаралары туралы түсіндіру жұмыстары жүргізілген.