Азаматтық белсенді Сандуғаш Дүйсенова ұсталды

Сандуғаш Дүйсенова, сурет - Zakon.kz жаңалық 11.08.2023 23:21

Сурет: instagram.com/angry_taldyk/

Талдықорғанда белгілі журналист, азаматтық белсенді Сандуғаш Дүйсенова ұсталды, деп хабарлайды Zakon.kz.

Оның ұсталғаны туралы ақпарат Telegram-дағы каналдарда пайда болды. Кейін бұл ақпаратты Zakon.kz тілшісінің дереккөздері растады. Қолда бар ақпарат бойынша, Сандуғаш Дүйсенова ҚР Қылмыстық кодексінің 147-бабы ("Жеке өмiрге қолсұғылмаушылықты және Қазақстан Республикасының дербес деректер және оларды қорғау туралы заңнамасын бұзу") бойынша ұсталды.

Zakon.kz ресми түсінік алу үшін Жетісу облысының полиция департаментіне хабарласқанымен, әлі жауап ала алған жоқ.

Сандуғаш Дүйсенова – Жетісу мен Алматы облыстарына белгілі журналист. Оның Instagram-дағы парақшасына 48 мыңнан астам адам жазылған. 2023 жылғы наурызда ол бір мандатты сайлау округі бойынша Қазақстан Республикасы Мәжілісінің депутаттығына үміткер болды.

Оқи отырыңыз