Ақтөбеде "Гүлдер әлемі" гүлдер фестивалі өтті
Сурет: Ақтөбе қаласы әкімінің баспасөз қызметі
Оған қала кәсіпорындары, жеке кәсіпкерлер, оқу орындарының, балабақшалар мен мектептен тыс ұйымдардың ұжымдары, сондай-ақ әуесқой гүл өсірушілер қатысты.
Қатысуға барлығы 250 өтініш түсті.
Сурет: Ақтөбе қаласы әкімінің баспасөз қызметі
Әдемі шараға қала әкімі Азамат БЕКЕТ келіп, көрмені тамашалап, бағбандармен және гүл өсірушілермен әңгімелесті, оларды мерекенің ашылуымен құттықтады.
Сурет: Ақтөбе қаласы әкімінің баспасөз қызметі
"Бұл "Гүлдер әлемі" фестивалі ақтөбеліктер үшін дәстүрге айналды, танымдық іс-шара табиғатқа ұқыпты қарауға үйретеді, қоршаған ортаны қорғауға баулиды. Біздің сүйікті қаламызда шығармашылыққа бейім, табиғаттың әдемілігін жеткізе алатын талантты жандар бар. Біз осы гүл өсірушілерді, бағбандарды тарта отырып, қаланы абаттандырамыз", - деп атап өтті Азамат Бекет.
Сурет: Ақтөбе қаласы әкімінің баспасөз қызметі
Фестиваль қатысушылары үздік гүл композициялары үшін 12 номинация бойынша марапатталды.
Бүгін қала тұрғындары көрме-жәрмеңкеде гүл ғана емес, шай мен балдың түрлі сорттарын, көпжылдық көшеттерді де сатып алуға мүмкіндік алды.
Сурет: Ақтөбе қаласы әкімінің баспасөз қызметі
Іс-шара жергілікті мәдениет қызметкерлерінің концерттік бағдарламасымен жалғасты.
