Дін көшбасшылары елордада бас қосады

Астанада дін көшбасшыларының сьезі өтеді

Сурет: Zakon.kz

Әлемдік және дәстүрлі діндер көшбасшылары Астанада бас қосады, деп хабарлайды Zakon.kz.

Қазанның 11-інде елордада Мәулен Әшімбаевтың төрағалығымен съезд хатшылығының 21-ші отырысы өтеді.

20 елден делегация келмек. Ватикан, Израиль және Пәкістаннан да қонақтар болады. Күн тәртібіндегі басты мәселе – съезді дамыту тұжырымдамасын қарау. Бұл – Мемлекет басшысы Қасым-Жомарт Тоқаевтың бастамасы, деп жазады "Хабар 24" арнасы.

Президент ұсынысты былтыр айтқан еді. Қазір Астанада қызу дайындық.

"Біраздан бері дайындалып жатырмыз. Қазір – соңғы кезеңі. Хатшылық аясында екіжақты кездесулер жоспарланған. Жалпы бұл – бірегей алаң, әлемде мұның баламасы жоқ. Жиында съезді дамытудың 2033 жылға дейінгі тұжырымдамасы талқыланады." Болат Сәрсенбаев, Конфессияаралық және өркениетаралық диалогты дамыту жөніндегі орталықтың төрағасы

Оқи отырыңыз