Қазақстанның бірқатар аймағында дауылды ескерту жарияланды
Сурет: pexels
Атыраудың шығысында және Батыс Қазақстан облысының солтүстігінде жоғары өрт қаупі болжанды.
Қарағанды облысының шығысында таңертең және күндіз найзағай болмақ. Түнде және таңертең облыстың солтүстігі мен шығысында тұман түседі. Облыстың оңтүстігінде солтүстіктен, солтүстік-батыстан жел соғады, күндіз екпіні 18 м/с. Жоғары өрт қаупі бар. Түнде және таңертең облыс орталығында тұман болады.
Ақтөбе облысының солтүстігінде түнде топырақ бетінде 2 градус аяз болады.
Ақмола облысының солтүстігі мен шығысын түнде және таңертең тұман басады.
Түркістан облысының таулы аймақтарында найзағай болжанды. Солтүстік-батыстан жел соғады, облыстың таулы аймақтарында жел екпіні 15-20 м/с болады. Аймақтың басым бөлігінде аса жоғары өрт қаупі бар.
Шымкент, Түркістан қалаларында өте жоғары өрт қаупі бар.
Ұлытау облысының шығысында найзағай жарқылдайды. Облыстың оңтүстігінде жоғары өрт қаупі бар.
Павлодар облысының оңтүстігінде түнде тұман түседі.
29 қыркүйек - 1 қазанда Қызылорда облысының орталығында, шығысында, оңтүстігінде өте жоғары өрт қаупі сақталады.
Бұған дейін синоптиктер жұма күні ауа райы қандай болатынын айтқан еді.
