Қостанай қаласының тұрғындары тойда пышақтасты

Облыстық полиция департаментінің баспасөз қызметінің хабарлауынша, 1 қазанға қараған түні полицияға Қостанай мейрамханаларының бірінің маңында төбелес болғаны туралы ақпарат түскен. Үйлену тойы кезінде мерекеге келген қонақтар арасында жанжал шығып, оның арты қару қолдану арқылы төбелеске ұласқан.

Оқиға орнына дереу жеткен полицейлер төбелесті бөліп, 6 тұрғынды ұстады. Ұсталғандардың бірі 56 жастағы ер адам ұрыс қызып тұрған кезде тойға келген 27 жастағы жігітті пышақтап кеткенін мойындады. Пышақ жарақатын алған жас жігіт ауруханаға жеткізілді.

"Полиция дереу ҚР Қылмыстық кодексінің 106-бабының 1-бөлігі (Денсаулыққа қасақана ауыр зиян келтіру) және ҚР Қылмыстық кодексінің 293-бабының 3-бөлігі (Денсаулыққа қасақана ауыр зиян келтіру) бойынша екі сотқа дейінгі тергеп-тексеруді бастады. Істің мән-жайын жан-жақты, толық және объективті тергеп-тексеруге бағытталған жедел-іздестіру шаралары жүргізілуде. Тергеу барысы Қостанай облысы ІІД басшылығымен бақылауға алынды", - деп хабарлады ведомствоның баспасөз қызметі.

Қыркүйек айының соңында Қарағандыдағы колледждердің бірінде пышақтау болды – студенттер арасындағы жанжал төбелеске ұласты.

Оқи отырыңыз

Шымкент мешітіндегі төбелес: имам оқиғаның қалай болғанын айтып берді

22:58, 14 мамыр 2024

Синоптиктер ертең 15 өңірде ауа райына байланысты ескерту жасады

22:25, 14 мамыр 2024

Қызылордада отбасын қолдау мекемесінің ауласына жылан кіріп кеткен

21:59, 14 мамыр 2024