3 қазанда Қазақстанда күн райы қалай құбылады
![Қазақстан, ауа райы болжамы, жаңбыр, екпінді жел, сурет - Zakon.kz жаңалық 02.10.2023 16:45](https://kaz.zakon.kz/pbi/WEBP/2023-12-20/file-fa2eb88d-6ef6-4206-80c5-be414937d95b/800x450.webp)
"Қазгидромет" РМК ұсынған мәлімет бойынша, еліміздің солтүстік және оңтүстік облыстарына антициклон сілемінің ықпалы болады, онымен ауа райы жауын-шашынсыз болады деп болжанды.
Синоптиктердің болжамынша, Қазақстанның оңтүстік-шығысында, шығысында, орталығында және батысында атмосфералық фронттардың өтуімен жаңбыр жауып, найзағай ойнайды, оңтүстік-шығыстың таулы аймақтарында жауын-шашын (жаңбыр, қар) жауады.
"Республика бойынша тұман күтіледі, елдің оңтүстігі мен батысында екпінді жел соғады. "Қазгидромет" РМК
Астанада – көшпелі бұлт шығады, жауын-шашынсыз. Түнде және таңертең тұман. Желдің екпіні 3-8 м/с. Ауа температурасы түнде +2+4°C, топырақ бетінде 1 градус аяз, күндіз +13+15°C.
Алматыда көшпелі бұлт шығады, таңертең және күндіз өткінші жаңбыр жауады. Шығыстан соғатын желдің екпіні 2-7 м/с болады. Ауа температурасы түнде +9+11°С, күндіз +19+21°С.
Шымкентте – көшпелі бұлт шығады, жауын-шашынсыз. Шығыстан соғатын желдің екпіні 8-13 м/с болады. Ауа температурасы түнде +9+11°С, күндіз +23+25°С.