11 қазан күні Қазақстанның басым бөлігін тұман басады

Қазақстан, ауа райы болжамы, жаңбыр, тұман, екпінді жел, көктайғақ, сурет - Zakon.kz жаңалық 10.10.2023 17:41

Сурет: pixabay

Синоптиктер Қазақстан бойынша 2023 жылғы 11 қазанға арналған ауа райы болжамын ұсынды, деп хабарлайды Zakon.kz.

"Қазгидромет" РМК ұсынған мәлімет бойынша, еліміздің басым бөлігінде күн райы құбылмалы болады. Синоптиктердің болжауынша, қар аралас жаңбыр жауады.

Тек Қазақстан Республикасының оңтүстік-шығысында және шығысында жауын-шашын болмайды.

Республика бойынша түнде және таңертең екпінді жел соғады, көктайғақ болады, тұман түседі.

Астанада – көшпелі бұлт шығады, түнде және таңертең жаңбыр жауады. Батыстан соғатын жел оңтүстік-батысқа ауысады кей уақытта екпіні 15-20 м/с болады. Ауа температурасы түнде +5+7°С, күндіз +10+12°С.

Алматыда – көшпелі бұлт шығады, жауын-шашынсыз. Жел 0-5 м/с. Ауа температурасы түнде +12+14°С, күндіз +24+26°С.

Шымкентте – көшпелі бұлт шығады, жауын-шашынсыз. Солтүстік-батыстан соғатын жел солтүстік-шығысқа ауысады, түнде екпіні 15-20 м/с болады. Ауа температурасы түнде +12+14°С, күндіз +27+29°С.

Оқи отырыңыз