Қазақстан цифрлық қызметтерді дамыту жағынан АҚШ-ты басып озды

Мұндай пікірді Digital Bridge - 2023 халықаралық форумының ашылуында ірі халықаралық венчурлық инвестор Тим Дрейпер айтты.

Оның айтуынша, Эстония цифрлық менеджментке жаңа көзқарас қалыптастырды.

"Онда барлығын онлайн режимінде жасауға болады - тұраққа ақы төлеу және дауыс беру. 6 жыл бұрын Қазақстанға алғаш келгенімде осылардың көбі Қазақстанда енгізіледі деп естідім." Тим Дрейпер

Ал қазір сіздерде Kaspi бар деді инвестор. 

"Егер мен дұрыс білсем, тіпті ешкім қолма-қол ақшаны пайдаланбайды да және бұл үлкен жетістік – сіздер бұл салада АҚШ-тан әлдеқайда алдасыздар. Ал АҚШ-та Starbucks-қа барсаңыз, кофенің ақысын төлеу үшін қолма-қол тиын беріп жатқан адамды көруге болады. Сіздердегі серпіліс ерекше және оның қоғамға әсері зор". Тим Дрейпер