Солтүстік Қазақстанда синоптиктер ауа температурасы төмендейді деп болжап отыр

Синоптиктер Қазақстанда 2023 жылғы 19-21 қазанға арналған ауа райы болжамын ұсынды, деп хабарлайды Zakon.kz.

"Қазгидромет" РМК мәліметінше, 19 қазанда Қазақстанның басым бөлігінде әлі де жауын-шашынсыз ауа райы сақталады. Содан кейін солтүстік-батыс циклон және атмосфералық фронттар батыстан шығысқа қарай аумаққа жылжи отырып, жауын-шашын (жаңбыр, қар) және олардың жолында желдің күшеюін тудырады.

Синоптиктердің болжамынша, ашық ауа райы әлі де тек оңтүстік-шығыс және шығыс облыстарда сақталады.

Ауа температурасы түнде республиканың басым бөлігінде 2 градус аяздан 10 градусқа дейін жылы болады.

Күндіз еліміздің солтүстік жартысында ауа температурасы бірте-бірте 10-15 градустан 5-10 градусқа дейін төмендейді.