Қазақстан азаматтығынан бас тартатындар азайды

Қазақстанда азаматтықтан бас тартатындар азайды, сурет - Zakon.kz жаңалық 02.11.2023 18:56

Сурет: akorda.kz

2 қарашада мемлекеттік кеңесші Ерлан Қариннің төрағалығымен Азаматтық мәселелер жөніндегі комиссияның кезекті отырысы өтті, деп хабарлайды Zakon.kz.

Ақорданың хабарлауынша, отырыста азаматтық туралы бірқатар мәселе қаралды. Сонымен қатар комиссия қызметінің негізгі бағыттары бойынша ҚР президентінің құқықтық мәселелер жөніндегі көмекшісі Ержан Жиенбаевтың, Ішкі істер министрі Ержан Сәденовтің және тиісті мемлекеттік органдар атқарған жұмыстар жайындағы өзге де лауазымды тұлғалардың есебі тыңдалды.

Сонымен қатар Комиссия төрағасы Қазақстан азаматтығынан шыққысы келетін тұлғалардың саны кейінгі 4 жылда 15 есеге төмендегенін айтып, мұны оң үрдіс ретінде бағалады. Нақты айтқанда, 2019 жылы мұндай адамдардың саны 1,7 мың, 2020 жылы 0,9 мың болса, 2021 жылы 123, ал 2022 жылы 114 адам болған.

Оқи отырыңыз