30 қараша күні Астанада қоғамдық көліктердің жұмыс уақыты ұзартылады

Сурет: Алматы әкімдігі

Астанада футбол жанкүйерлері үшін автобус бағыттарының жұмыс уақыты ұзартылады. CTS көлік компаниясының мәліметінше, тек 30 қараша күні жүру уақыты ұзарады, деп хабарлайды Zakon.kz.

Компания он бағыттың жұмыс уақыты өзгеретінін түсіндірді.

"Құрметті футбол жанкүйерлері! 30 қараша күні сағат 21:30-да "Астана Арена" стадионында елордалық "Астана" футбол клубы мен Загребтің "Динамо" футбол клубы арасында матч өтеді. Жанкүйерлерге ыңғайлы болуы үшін қалалық және қала маңындағы №10, 12, 26, 37, 40, 49, 51, 53, 60 және 303 маршруттарының жұмыс уақыты ұзартылады. Осылай ойыннан кейін межелі жерге оңай жетуге болады".CTS көлік компаниясы

Айта кетейік, 17 қарашада "Астана Арена" стадионында Қазақстан мен Сан-Марино арасындағы футбол матчы өтті. Одан кейін арнайы маршруттық автобустар ұйымдастырылды.

Оқи отырыңыз