Алматыға сырттан келетін көліктер кіргізілмейді
Сурет: Zakon.kz
Алматыға сырттан келетін көліктер кіргізілмейді. Олар үшін арнайы автотұрақтар салынады. Құрылыс келесі жылы басталады.
Мұндай тұрақтарды әкімдік "Барлық базары", "Құлжа тракті" мен "БАКАД" аумағында салуды жоспарлап қойған.
Қала ішіндегі 53 жол кеңейтіліп, онда автобус жолақтары пайда болады. Жергілікті билік осылайша қоғамдық көлікпен жүретін жолаушылар санын 75 пайызға жеткізбекші, деп жазады qazaqstan.tv.
Биыл 600 автобус сатып алса, келесі жылы тағы 700-ін алмақшы.
"Алматыда 57 дәліз бойынша кеңейту жұмыстары қарастырылған. Кеңейту және тұйық көшелерді ұзарту жұмыстары. 06:13 Саин, Төле би, Жұбанов көшесі. Келесі жылы Абай даңғылын қала шекарасына дейін созу жоспарланып отыр. Сонымен қатар БАКАД-қа шығатын радиалды жолдар, 2024 жылдың екінші жартысында басталуы жоспарланып отыр." Данияр Надырханов, қалалық мобильділік басқармасының бөлім басшысы
Сондай-ақ, мегаполисте 2025 жылға дейін метро ұзартылып, қазір құрылысы жүріп жатқан "Қалқаман" станциясы қолданысқа беріледі. Ал, 2030 жылға дейін жер асты жолын "Барлық" базарына дейін созу көзделген. Мұның бәрін жүзеге асыруға 5,7 трлн теңге жұмсалуы мүмкін.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
