Қаныш Әбубәкіров Қорғаныс министрінің орынбасары болып тағайындалды
![Қаныш Әбубәкіров Қорғаныс министрінің орынбасары болып тағайындалды, сурет - Zakon.kz жаңалық 04.01.2024 16:35](https://kaz.zakon.kz/pbi/WEBP/2024-01-04/file-20f4e86b-d881-4cdb-b7b5-2c873cde5c56/400x225.webp)
Тиісті құжат 2024 жылғы 4 қаңтарда Ақордада жарияланды.
"Мемлекет басшысының Өкімімен Қаныш Асанханұлы Әбубәкіров Қазақстан Республикасы Қорғаныс министрінің орынбасары болып тағайындалды", - делінген хабарламада.
Қаныш Әбубәкіров 1977 жылы 12 ақпанда Түркістан облысында дүниеге келген.
1998 жылы Қазақстан Республикасы Қарулы Күштерінің Әскери академиясын бітірген.
Еңбек өтілін 32363 әскери бөлімінің авиациялық-шабуылдау батальонының барлау ротасының барлау тобының командирі болып бастады.
2015-2016 жылдары Аэроұтқыр әскерлері қолбасшысының орынбасары (жауынгерлік даярлық бойынша) – Қазақстан Республикасы Қарулы Күштері Аэроұтқыр әскерлері қолбасшысы басқармасының Жауынгерлік даярлық басқармасының бастығы.
2017-2019 жылдары – "Батыс" өңірлік қолбасшылығы әскерлерінің қолбасшысы.
2019-2021 жылдары – Қазақстан Республикасы Қарулы Күштері Құрлық әскерлері Әуе шабуылдау әскерлерінің қолбасшысы.
2021 жылдың маусымынан бастап – Қазақстан Республикасы Қарулы Күштері Құрлық әскерлері Бас штабының бастығы – Бас қолбасшысының бірінші орынбасары.