Қызылорда облысының әкімі Нұрлыбек Нәлібаев теміржол вокзалының жөндеу жұмыстарымен танысты
Сурет: Қызылорда облысы әкімінің баспасөз қызметі
Облыс әкімі Нұрлыбек Нәлібаев ҚР Парламенті Сенатының депутаты Руслан Рүстемов, Мәжіліс депутаты Мұрат Ергешбаевпен бірге қайта жаңғыртудан өткен теміржол вокзалына барды.
Тарихи ғимаратты қайта жаңғыртуға "Қазақстан Темір Жолы" компаниясынан 322 млн. теңге және жергілікті кәсіпкерлердің демеушілігі есебінен 255 млн теңге қаржы бөлінді.
Сурет: Қызылорда облысы әкімінің баспасөз қызметі
Эскиздік жобаға сәйкес ғимараттың сыртқы бетіне травертин плиталарын монтаждау, шатырын, мүмкіндігі шектеулі азаматтарға арналған пандустарды, суағарды, су, кәріз және жылу жүйелерін жөндеу, қала жақ бетін көгалдандыру жұмыстары жүргізілді.
Сурет: Қызылорда облысы әкімінің баспасөз қызметі
Ішкі бөлмелеріне жөндеу жасалды. Мұнан бөлек, 2 жолаушылар платформасына жаңадан асфальт төселіп, төрт көзді 10 жарық шам орнатылды.
Сурет: Қызылорда облысы әкімінің баспасөз қызметі
"Екінші ғимарат та әдемі кейіпке еніп, әкімшілік ғимаратының сырты әрленді, есіктері ауыстырылды, 200 шаршы метр шатыры жөнделді. Жергілікті кәсіпкерлердің демеушілігімен перрон және автотұрақ асфальтталып, жарық шамдар қойылды. Оған қоса вокзал маңындағы нысанның сыртқы қасбеті қапталды." Қызылорда облысы әкімінің баспасөз қызметі
Сурет: Қызылорда облысы әкімінің баспасөз қызметі
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
