Айдар Есенбеков Алматы қаласы Қоғамдық даму басқармасының басшысы болып тағайындалды
Сурет: Алматы қаласы әкімдігінің баспасөз қызметі
Айдар Есенбеков 1979 жылы 8 тамызда туған. Әл- Фараби атындағы Қазақ мемлекеттік университетін бітірген, әлеуметтану магистрі.
Еңбек жолын 2003 жылы М. Әуезов атындағы Оңтүстік Қазақстан мемлекеттік университетінде оқытушы болып бастаған. 2004-2006 жылдары-Әл- Фараби атындағы ҚазҰУ оқытушысы.
2006 жылдан бастап мемлекеттік органдар құрылымында жұмыс істейді. 2006 жылы Алматы қаласы Ішкі саясат басқармасының Жетісу ауданы бойынша аумақтық бөлімінің бас маманы болып жұмыс істеді. Алматы қаласы Әуезов ауданы бойынша ішкі саясат басқармасының бөлім бастығы қызметін атқарды.
2010-2012 жылдары этносаралық қатынастар және саяси партиялармен жұмыс, үкіметтік емес ұйымдармен және діни бірлестіктермен жұмыс жөніндегі бөлімді басқарды.
2012-2016 жылдары-Алматы қаласы Ішкі саясат басқармасы басшысының орынбасары. 2016-2019 жылдары - Алматы қаласы Дін істері басқармасының басшысы. 2019 жылдан бастап тағайындалғанға дейін Алматы қаласы Қоғамдық даму басқармасы басшысының орынбасары қызметін атқарды.
