Жаңалықтар тізбегі
0

Шығыс Қазақстан облысының Күршім ауданында табиғи сипаттағы төтенше жағдай жарияланды

Шығыс Қазақстанда ауыл тұрғындары үшін азық-түлік пен дәрі-дәрмек тікұшақпен жеткізілді Сурет: ШҚО әкімдігінің баспасөз қызметі
Шығыс Қазақстан облысының Күршім ауданында табиғи сипаттағы төтенше жағдай (ТЖ) жарияланды. Бұл туралы Zakon.kz тілшісіне 2024 жылдың 16 қаңтарында ШҚО әкімдігінің баспасөз қызметі хабарлады.

Естеріңізге сала кетейік, 2024 жылдың 7 қаңтарынан бастап Күршім ауданында қармен боран тоқтамай тұр. Кейбір жерлерде қардың қалыңдығы 1.8-2 метрге жетті. Марқакөл және Тосқайын ауылдық округтерінің елді мекендері көлік қатынасынан ажыратылды.

Қардың түсу нормаларының асып кетуін және елді мекендерге көлік қатынасының болмауын ескере отырып, Күршім ауданының әкімдігі жергілікті ауқымдағы табиғи сипаттағы төтенше жағдай жариялады.

"ШҚО көлік және автомобиль жолдары басқармасының деректері бойынша жол жүруді қамтамасыз ету үшін қосымша техника жөнелтілді. Қазіргі уақытта арнайы техниканың 24 бірлігі жұмылдырылған. Алайда боранға байланысты жұмыс істеу қиындық тудыруда." ШҚО әкімдігінің баспасөз қызметі

Сондай-ақ, Күршім ауданына қажетті көмек көрсету үшін ШҚО бойынша ТЖ департаментінің Жоғары өтпелі техникасы келді.

Марқакөл және Тосқайын ауылдық округтері мектептерінің оқушылары 8 қаңтардан бастап қашықтықтан оқыту форматына ауыстырылды.

Қолайлы ауа-райы жағдайлары белгіленгеннен кейін, 16 қаңтарда ауылдық округтердің тұрғындарына қажетті азық-түлік пен дәрілік заттарды жеткізу үшін тікұшақ жіберілді.

Жағдай жергілікті атқарушы органдардың бақылауында.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: