Семейдегі төбелес: полиция қаза тапқандар туралы ақпаратты растамады
Сурет: Zakon.kz
Абай облысы полиция департаменті әлеуметтік желіде тараған жаппай төбелестің видеосына қатысты түсінік берді, деп хабарлайды Zakon.kz.
2024 жылғы 20 қаңтарда Семей полиция басқармасы Затон полиция бөлімі денсаулыққа зиян келтіретін заттарды қолданып, адамдар тобы жасаған қасақана денсаулыққа ауыр зиян келтіру және бұзақылық бойынша сотқа дейінгі тергеп-тексеруді бастағанын мәлімдеді.
Қазіргі уақытта кінәлі адамдар анықталып, уақытша ұстау изоляторына қамалды.
"Сонымен қатар жанжалға қатысушылар арасында қаза тапқандар жоқ екенін хабарлаймыз. Абай облысы полиция департаменті жалған ақпарат таратқаны үшін жауапкершілік туралы ескертеді және азаматтарды тек ресми дереккөздерге сенуге шақырады". Абай облысы полиция департаменті
Қылмыстық-процестік кодекстің 201-бабының 1-бөлігіне сәйкес, сотқа дейінгі тергеп-тексерудің деректері жария етілмейді.
Еске салайық, бұған дейін Семейдегі "Кең-Дала" мейрамханасының маңында түнде 10 адам төбелескенін хабарлаған едік. Кейбір деректе төбелеске қатысқан бір адамның қаза тапқаны айтылған.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
