Қазақстанда зергерлік бұйымдардың бағасы көтерілді

Зергерлік бұйыдар елімізде қымбаттады, сурет - Zakon.kz жаңалық 14.02.2024 12:37

Сурет: unsplash

Қазақстан Республикасы Стратегиялық жоспарлау және реформалар агенттігінің Ұлттық статистика бюросы бүгін, 2024 жылғы 14 ақпанда зергерлік бұйымдардың 4,9%-ға қымбаттағанын мәлімдеді, деп хабарлайды Zakon.kz.

Шығарылымнан белгілі болғандай, қаңтар айының соңында Қазақстанда жылдық мәнде зергерлік бұйымдар мен сағаттар 4,3%-ға қымбаттады, оның ішінде алтын неке сақиналары бір жылда 2,9%-ға, қол сағаттары 10,1%-ға қымбаттады.

"Бұл ретте Қазақстанда бағалы зергерлік бұйымдар өндірісі қысқарды. 2023 жылдың қаңтар-желтоқсан айлары аралығында зергерлік бұйымдар мен ұқсас бұйымдарды өндіру көлемі 2022 жылдың сәйкес кезеңімен салыстырғанда 17,8%-ға азайды". Ұлттық статистика бюросы

Мәселен, 2023 жылдың 12 айында қазақстандық компаниялар 1,2 млрд теңгенің зергерлік бұйымдары мен ұқсас бұйымдарын өндірді (2022 жылғы қаңтар-желтоқсан – 1,4 млрд теңге).

2024 жылдың 9 ақпанында Ұлттық статистика бюросы 2024 жылдың қаңтарында Қазақстанда тұрғын үй бағасының қалай өзгергенін сипаттады.

Оқи отырыңыз