Оралда арнайы операция: бопсалаумен айналысқан топ ұсталды

Орал қаласында қылмыстық топ ұсталды, сурет - Zakon.kz жаңалық 15.02.2024 16:13

Сурет: freepik

Орал полицейлері бопсалаумен айналысқан топты ұстады, деп хабарлайды Zakon.kz.

Полицейлердің мәліметінше, ұсталғандар қаладағы сауда орталықтарының бірінің қызметкерлері мен оқу орындарының студенттерінен алаяқтық жасап, тонау және ақша бопсалаған деген күдікке ілінген.

"Жоғарыда аталған фактілер бойынша қылмыстық істер қозғалды. Уақытша ұстау изоляторына 4 күдікті қамауға алынды. Алаяқтық әрекеттерге барғандардың барлығы колледж студенттері." БҚО ПД баспасөз қызметі

Қылмыстық топқа қатысы бар басқа да тұлғаларды анықтап, ұстау бағытында жедел-іздестіру іс-шаралары жүргізілуде.

"Егер Сіз ұсталған тұлғалардан зардап шеккен болсаңыз, дереу полиция қызметіне хабарласуыңызды сұраймыз." БҚО ПД баспасөз қызметі

Бұған дейін Астанада 4 миллион теңге бопсалады деген күдіктінің ұсталғаны белгілі болған. Полицияның мәліметінше, ер адам әлеуметтік желіде құрбанының интимдік фотолары мен видеоларын жариялаймын деп қорқытқан.

Оқи отырыңыз