Жамбыл облысында көші-қон заңнамасын бұзған 42 шетелдік елден шығарылды
![Заң бұзған адам жауапқа тартылды, сурет - Zakon.kz жаңалық 16.02.2024 11:57](https://kaz.zakon.kz/pbi/WEBP/2024-02-16/file-db95e46d-c2a7-432c-a9d0-bc1bf4759339/400x267.webp)
Жамбыл облысы полиция департаментінің қызметкерлері облыс аумағында уақытша не тұрақты болатын шетелдіктерді бақылау бойынша жұмысты жалғастырып жатыр.
Қолданыстағы көші-қон заңнамасы талаптарының бірі Қазақстан Республикасында тұрақты тұруға рұқсат алған шетелдіктерді бақылау.
Қазақстан аумағында 183 күннен артық болмаған шетелдіктерге тексеру жүргізілді. Нәтижесінде 52 шетелдіктің бұзушылық деректері анықталды, олардың ҚР-да тұрақты тұруға берілген рұқсат қағаздарының күші жойылды.
Енді бұл шетелдік азаматтар тегін медициналық көмек, зейнетақы төлемдері және т.б. алу мүмкіндігінен айырылды. Жалпы, осы жылдың басынан көші-қон заңнамасын бұзғаны үшін сот шешімімен республика аумағынан 42 шетел азаматы шығарылды.
Көші-қонды бақылауды жүзеге асыру бойынша жүйелі жұмыстар жалғасын табады.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript