Қазақстан мен Оңтүстік Корея арасында жаңа әуе рейстері ашылады
Сурет: unsplash
Қазақстан мен Оңтүстік Корея арасындағы әуе рейстерінің саны артып, жаңа әуе бағыттары ашылады. Бұл туралы 2024 жылғы 20 ақпанда Қазақстан Республикасы Көлік министрлігінің Азаматтық авиация комитеті мәлімдеді, деп хабарлайды Zakon.kz.
Сеулде (Корея Республикасы) Қазақстан Республикасы Көлік вице-министрі Талғат Ластаевтың Корея Республикасы Жер, инфрақұрылымы және көлік министрінің орынбасары Юн Санг Лимен екіжақты кездесуі өтті.
"Кездесу барысында тараптар Астана мен Сеул арасындағы рейстерді қайта бастау, Алматы – Сеул бағыты бойынша орындалатын рейстерді ұлғайту, сондай-ақ Шымкенттен Сеулге және Пусан мен Қазақстан қалалары арасындағы рейстерді ашу мәселесін талқылап уағдаласты", - деп жазылған ресми ақпартта.
Сонымен қатар, Талғат Ластаев T' Way төмен бюджеттік әуе компаниясының және Sirius Airlines жүк әуе компаниясының басшылығымен кездесулер өткізді. Кездесу барысында кореялық тасымалдаушылар Қазақстанға ұшуға ниетті екенін білдірді.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
