Жамбыл облысы Талас ауданы Ақкөл ауылына табиғи газ берілді
![Жамбыл облысы Талас ауданы Ақкөл ауылына табиғи газ берілді., сурет - Zakon.kz жаңалық 26.02.2024 09:53](https://kaz.zakon.kz/pbi/WEBP/2024-02-26/file-587af565-e9dd-45f9-b23f-184c66543a8c/400x225.webp)
Салтанатты шараға облыс әкімі Ербол Қарашөкеев қатысып, тұрғындарды қуанышымен құттықтады.
"Мемлекет басшысы Қасым-Жомарт Кемелұлы Тоқаев халқымыздың тұрмыс-тіршілігін арттыруға баса назар аударып келеді. Бұл бағытта елімізде ауқымды жұмыстар атқарылуда. Соның бір дәлелі, Сіздер көптен күткен бүгінгі күн",-деді аймақ басшысы.
![Жамбыл облысы Талас ауданы Ақкөл ауылына табиғи газ берілді., сурет - Zakon.kz жаңалық 26.02.2024 09:53](https://kaz.zakon.kz/pbi/WEBP/2024-02-26/file-451728d9-dffa-49c5-a47c-b69bbff0c05c/800x555.webp)
Сурет: Жамбыл облысы әкімінің баспасөз қызметі
Аққөл ауылдық округінің ардагерлер кеңесінің төрағасы Досболат Туғанбаев тұрғындардың ризашылығын жеткізді.
Ағымдағы жыл басында аудандағы Қызыләуіт, Ақтөбе елді мекендері де газ жүйесіне қосылған.
![Жамбыл облысы Талас ауданы Ақкөл ауылына табиғи газ берілді., сурет - Zakon.kz жаңалық 26.02.2024 09:53](https://kaz.zakon.kz/pbi/WEBP/2024-02-26/file-9419ad84-169c-49d6-957b-ecab0ee6880a/800x536.webp)
Сурет: Жамбыл облысы әкімінің баспасөз қызметі
Айта кетейік, Ақкөл ауылы Талас ауданындағы халық саны жағынан алдыңғы қатардағы ауылдардың бірі. 2021-2023 жылдары Ақкөл ауылында 20 көше жолы жөндеуден өтіп, жаяу жүргіншілер жолдары (тротуар) ретке келтірілсе, бүгінде көше жарықтары орнатылуда.
![Жамбыл облысы Талас ауданы Ақкөл ауылына табиғи газ берілді., сурет - Zakon.kz жаңалық 26.02.2024 09:53](https://kaz.zakon.kz/pbi/WEBP/2024-02-26/file-e0f03e8f-0c16-4b9c-bc8b-8f6a72bb6df8/800x514.webp)
Сурет: Жамбыл облысы әкімінің баспасөз қызметі
![, сурет - Zakon.kz жаңалық 26.02.2024 09:53](https://kaz.zakon.kz/pbi/WEBP/2024-02-26/file-ac0ffc36-7cc2-4aaf-bbc6-603be95c528d/800x514.webp)
Жалпы, облыс бойынша өткен жылы елді мекендерді табиғи газбен қамту бағытында 11,8 миллиард теңгеге 11 жоба іске асырылып (6 нысан 2024 жылға өтпелі), халықты газбен қамту үлесі 91,1 пайызға жетті.
Сондай-ақ, ағымдағы жылы 11 елді мекенде тұратын 17 мың тұрғынды газбен қамту және көгілдір отынға қолжетімділікті 92 пайызға дейін арттыру көзделуде.
![Жамбыл облысы Талас ауданы Ақкөл ауылына табиғи газ берілді., сурет - Zakon.kz жаңалық 26.02.2024 09:53](https://kaz.zakon.kz/pbi/WEBP/2024-02-26/file-294b402c-08fe-4eb5-b4bb-b7f58546de0e/800x450.webp)
Сурет: Жамбыл облысы әкімінің баспасөз қызметі
Ал Талас ауданында Қаратау қаласы мен 23 ауылдық елді мекен болса, соның 18-і газдандырылған, яғни, 75 пайызды құрап отыр. 2027 жылдың соңына дейін бұл көрсеткішті 100 пайызға жеткізу жоспарлануда