Электронды үкімет қазақстандықтар үшін уақытша қолжетімсіз болады

Қазақстандықтарға сағат белдеуінің өзгеруіне байланысты электронды үкімет жұмысында мүмкін болатын үзілістер туралы ескертілді, деп хабарлайды Zakon.kz.

"Ұлттық ақпараттық технологиялар" АҚ нақтылағандай, UTC +05.00 бірыңғай уақыт белдеуіне көшуге байланысты 2024 жылғы 29 ақпан сағат 22:00-ден 1 наурыз 2:00-ге дейін техникалық жұмыстар жүргізілетін болады.

Осы уақыт ішінде келесі жобалар үшін қысқа мерзімді қолжетімсіздік болуы мүмкін:

• egov.kz порталы және оның құрамдас бөліктері;
• egov mobile мобильді қосымшасы;
• "Е-нотариат" бірыңғай нотариаттық ақпараттық жүйесі;
• "Техникалық бақылау" бірыңғай ақпараттық жүйесі;
• "e-Otinish" электрондық өтініш қызметі;
• және "Ұлттық ақпараттық технологиялар" АҚ жүргізетін басқа да ақпараттық жүйелер мен мемлекеттік дерекқорлар.

Бұған дейін электронды үкіметтің қысқа мерзімді қолжетімсіздігі 2024 жылғы 24 ақпанда сағат 21:00-ден 25 ақпанда сағат 8:00-ге дейін тіркелген болатын. Себебі, техникалық жұмыс.