Алматыдағы ипподром бұзыла ма - Ерболат Досаев жауап берді

Алматы әкімі Жетісу ауданындағы ипподром жағдайына түсініктеме берді, сурет - Zakon.kz жаңалық 28.03.2024 10:16

Сурет: primeminister.kz

2024 жылдың 28 наурызында Алматы қаласының әкімі Ерболат Досаев Алматы ипподромының болашақ тағдыры туралы сұраққа жауап берді, деп хабарлайды Zakon.kz тілшісі.

Сұрақты Жетісу ауданының тұрғыны қойды. Оның айтуынша, ипподром жергілікті маңызы бар болса да, тарихи ескерткіш.

"Ипподромды мемлекет меншігіне қайтаруға бола ма, бұл жер халықтық фестивальдер өткізілетін жер ғой. Қалада туристерді әкелетін орын болғанын қалаймын", - деді алматылық тұрғын.

Алматы әкімі Ерболат Досаев ипподром жекеменшік, сондықтан оны сатып алу керек, бірақ қазір әкімдікте ондай мүмкіндіктер жоқ деп жауап берді.

Алматылық тұрғын ипподромды бұзып, басқа тұрғын үй кешенін саламыз дегені рас па, жоқ па, соны да түсіндіріп беруді сұрады.

"Егер жер иелерінің бірі бірдеңе салу жоспарын айтса, бұл солай болады дегенді білдірмейді. Барлығы Бас жоспарға сәйкес заң аясында болады", - деді Ерболат Досаев.

Бұған дейін бұқаралық ақпарат құралдарында Алматы ипподромының орнына тұрғын үй кешенін салғалы жатқаны туралы ақпарат шыққан болатын.

Оқи отырыңыз