Шымкентте полицейлер толғағы келген әйелге шұғыл көмек көрсетті

Қала көшелерінің бірінде қызмет атқарып тұрған патрульдік полицейлерден ер адам көмек сұрады, деп хабарлайды Zakon.kz.

Ол көлікте әйелін толғақ қысып, босанғалы жатқанын айтты.

Тәртіп сақшылары жедел әрекет етіп, көлікке жол бастап жүру арқылы перзентханаға жеткізді.

Ер азамат біреудің басына түскен іске бей-жәй қарамай, адамгершілік танытқан офицерлерге ризашылығын білдіріп, алғыс айтты.

Полиция қызметкерлері азаматтарға кез келген жағдайда көмек көрсететінін жеткізді.