Астанада ең үлкен даңғылдардың бірі бірнеше күнге ішінара жабылады
Сурет: Instagram/dorogi_transport_astana
Астанадағы ірі даңғылдардың бірі - Тұран бірнеше күнге ішінара жабылады. Оған себеп - орташа жол жөндеу жұмыстары. Бұл туралы бүгін, 2024 жылы 27 сәуірде елорданың Көлік және жол-көлік инфрақұрылымын дамыту басқармасы ақпарат таратты, деп хабарлайды Zakon.kz.
Елордалық ведомство Instagram-да осы негізде хабарлама жариялады.
"Астана қаласының Көлік және жол-көлік инфрақұрылымын дамыту басқармасы" ММ Тұран даңғылының жол төсеміне орташа жөндеу жұмыстарын жалғастыру туралы хабарлайды.Осыған байланысты ағымдағы жылдың 27-30 сәуір аралығында Хусейн бен Талал көшесінен бастап Ұлы Дала даңғылы дейінгі учаске ішінара жабылатын болады. Бұл ретте көрсетілген учаскеде автокөлік құралдарының қозғалысы бір бағытта (қаладан аэропортқа қарай) жүзеге асырылатын болады", делінген хабарламада.
Сондай-ақ елорда тұрғындары мен қонақтарынан қала жолдарындағы кептелістерді болдырмау мақсатында өз маршруттарын алдын ала жоспарлап алу сұралады.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
