Вице-министр педагогтерді аттестаттаудан өткізу ережелеріне неге өзгеріс енгізілгенін айтты

Сурет: Zakon.kz

ҚР Оқу-ағарту бірінші вице-министрі Наталья Жұмаділдаева 15 мамырда ОКҚ-да өткен брифинг барысында елімізде мұғалімдерді аттестаттаудан өткізу ережелері неге қайта қарастырылғанын айтты, деп хабарлайды Zakon.kz.

Жұмаділдаева аттестаттау ережелерін әзірлеу үшін 60-тан астам адамнан тұратын жұмыс тобы құрылғанын атап өтті. Бұл - тек педагогтар ғана емес, сонымен қатар білім беру саласындағы ҮЕҰ өкілдері.

"Көптеген норма біздің педагогикалық қауымдастық талқысымен бірге қабылданды. Егер мұғалімдердің мансұқ-тілектері туралы айтатын болсақ, олардың жаңа ережелерге қатысты пайымы білім беру сапасын зерттеумен айналысатын ҮЕҰ өкілдерінің көзқарасымен ұдайы сәйкес келе бермейді. Олар, әрине, жұмыс тобына бүгінгі күні тестілеуден өту арқылы тағы бір рет аттестаттаудан өту қажеттілігі барына қатысты дәлелдерді алға тартты", - деді ол.

Сонымен қатар, вице-министр бүгінгі таңда ҚР Оқу-ағарту министрлігінің тапсырмасы аясында педагогты үздіксіз кәсіби дамыту бойынша жаңа амал-тәсілдер әзірленгенін еске салды.

"2025 жылы 1 қаңтардан бастап біздің педагогтердің еңбек тиімділігі "Ұстаз" электрондық платформасында бағаланатын болады. Ол арада барлығы цифрландырылған, сондықтан педагог қызметінің тиімділігіне мониторинг жүргізуге мүмкіндік бар. Сонымен қатар, бағалауда ең жоғары үлес мұғалімнің практикалық қызметін қамтиды, бұл - оның сабақты талдауы, оқыту әдістері мен тиімді амалдарды қолдана білуі, сондай-ақ мұғалім сабақ беретін сыныптардағы оқыту сапасы. Аталған платформаға көшу үшін, тестілеу кезінде бізде мұғалімнің беретін пәні бойынша білімі ғана бағаланады, ал педагогика мен әдістеме мәселелері практикалық алаңға ойысады, сондықтан жұмыс тобы біздің педагогтар өтпелі кезеңде, 2025 жылдың 1 қаңтарына дейін беретін пәні, әдістемесі және психология бойынша тест тапсыру арқылы аттестаттаудан өтеді деген шешім қабылданды, - деп түсіндірді Наталья Жұмаділдаева.

ҚР Оқу-ағарту министрі 2024 жылы 2 сәуірдегі бұйрығымен Қазақстанда педагогтерді аттестаттаудан өткізу ережелері мен шарттарына өзгеріс енгізді.

Оқи отырыңыз