Атырау облысында тас жолдағы үлкен шұңқыр көлік қозғалысын тоқтатты
Сурет: Атырау облысының Төтенше жағдайлар жөніндегі жедел штабы
"Атырау-Индер" тас жолының 27-ші шақырымында жедел қалпына келтіру жұмыстары жүргізілуде. Себебі, көліктер өтетін тас жолда үлкен шұңқыр пайда болды, деп хабарлайды Zakon.kz.
Атырау қаласы әкімінің орынбасары Нұржан Ермұханов болған оқиғаның себебін түсіндірді.
Оның айтуынша, Талдыкөл ауылындағы газ құбырының айналасынан су ағып кеткен.
"Осыған байланысты жер және тас жол опырылып кеткен. Абырой болғанда газ құбырына немесе газ таратуға зақым келтіру фактілері болған жоқ." Нұржан Ермұханов
Сондай-ақ, ол қазір Атырау облысы жолаушылар көлігі және автомобиль жолдары басқармасының мамандары жедел қалпына келтіру жұмыстарын жүргізіп жатқанын атап өтті.
"4 бірлік арнайы техника мен 15 маман жұмылдырылды, бүгін, 17 мамыр күні кешке жол толығымен қалпына келтіріледі." Нұржан Ермұханов
Сондай-ақ 27-28 шақырым аралығында автокөлік жүргізушілерінің айналма жолмен жүруге мүмкіндігі бар екені айтылады.
Бұған дейін Қарағанды тұрғынының көлігінің әйнегі тас сынған соң мемлекеттік мекеменің үстінен шағым түсіргені белгілі болған. Сот шешімімен талап арыз қанағаттандырылды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
