Ақсу ферроқорытпа зауытында екі жұмысшы зардап шекті

Ақсу ферроқорытпа зауытында екі кран машинисі зардап шекті, деп хабарлайды Zakon.kz pavlodarnews.kz-ке сілтеме жасап.

Зауыттың мәліметінше, өндірістегі жазатайым оқиға 24 мамырда болған.

Зардап шеккендердің бірі Ақсу орталық ауруханасына жеткізілсе, бірі тексерістен кейін үйіне қайтарылды.

Оқыс оқиға туралы мемлекеттік органдарға хабарланып, мән-жайы анықталып жатыр.

Компания қызметкерлерге барлық қажетті көмек берілетінін хабарлады.