Астананың оң жағалауында маңызды жол учаскесі жабылады

4-7 маусым аралығында жөндеу жұмыстарына байланысты Астанада Ж. Тәшенов көшесінен А. Бараев көшесіне дейінгі учаске толығымен жабылады, деп хабарлайды Zakon.kz.

Бұл туралы 3 маусымда Астана қаласының Көлік және жол-көлік инфрақұрылымын дамыту басқармасы хабарлады. 

"Ж. Тәшенов көшесінен А. Бараев көшесіне дейінгі учаскеде Ж. Тәшенов көшесінің жолайырығында жол төсемінің жоғарғы қабатын қайта төсеу жұмыстары жүргізілетінін хабарлаймыз. Осыған байланысты ағымдағы жылдың 4-7 маусымы аралығында жоғарыда аталған учаске толығымен жабылады", делінген хабарламада.

Басқармада қала тұрғындары мен қонақтарынан қала жолдарындағы кептелістерді болдырмау мақсатында өз маршруттарын алдын ала жоспарлауды сұрады.

"Уақытша қолайсыздықтар үшін кешірім сұраймыз және жол-құрылыс жұмыстарының жүргізіліп жатуына түсіністікпен қарауды сұраймыз", делінген хабарламада.