Астанада тағы бір көшеде қозғалыс шектелді

Астананың көлік және жол-көлік инфрақұрылымын дамыту басқармасы М.Әлімбаев көшесі бойынша Амман көшесінен А.Тоқпанов көшесіне дейінгі учаскеде жол төсеміне орташа жөндеу жұмыстарын жүргізіп жатқанын хабарлады.

Осыған байланысты, 2024 жылғы 14-16 маусым аралығында жоғарыда аталған учаске толығымен жабылады.

"Астана тұрғындары мен қонақтарын қала жолдарындағы кептелістерді болдырмау мақсатында өз маршруттарын алдын ала жоспарлауды сұраймыз. Уақытша қолайсыздықтар үшін кешірім сұраймыз және жол-құрылыс жұмыстары жүргізілуіне түсіністікпен қарауды сұраймыз", - делінген хабарламада.