Алматыда қаралы қауым Мұрат Әуезовті ақтық сапарға шығарып салды
![Қоштасу рәсімі, Алматы, Мұрат Әуезов, сурет - Zakon.kz жаңалық 16.06.2024 11:21](https://kaz.zakon.kz/pbi/WEBP/2024-06-16/file-5b2d6662-e348-43c7-a061-5ebe8c4fbd31/400x225.webp)
Қоштасу рәсіміне министрлік пен әкімдік өкілдері, депутаттар, қоғам қайраткерлері мен зиялы қауым, марқұмның туған-туыстары, дос-жарандары қатысты. Іс-шара барысында Мемлекет басшысының көңіл айту хатын Президент кеңесшісі Мәлік Отарбаев оқыды.
![Қоштасу рәсімі, Алматы, Мұрат Әуезов, сурет - Zakon.kz жаңалық 16.06.2024 11:21](https://kaz.zakon.kz/pbi/WEBP/2024-06-16/file-63441acf-563c-4275-92f0-9c64c181a042/800x450.webp)
Сурет: Zakon.kz
Марқұм Алматыдағы Кеңсай зиратына жерленетін болады.
![Марапаттар, қоштасу рәсімі, Мұрат Әуезов, сурет - Zakon.kz жаңалық 16.06.2024 11:21](https://kaz.zakon.kz/pbi/WEBP/2024-06-16/file-b1d1ed5d-54ec-41c7-8cb7-ec8429f51b82/800x450.webp)
Сурет: Zakon.kz
Жаназа асы бүгін сағат 13:00-де Құрманғазы көшесі, 44 үй мекенжайындағы Қабылдау үйінде болады. Ал қонақ асы - сағат 18:00-де Достық даңғылы, 304 үй мекенжайындағы "Жалын" мейрамханасында.
![Қоштасу рәсімі, Алматы, Мұрат Әуезов, сурет - Zakon.kz жаңалық 16.06.2024 11:21](https://kaz.zakon.kz/pbi/WEBP/2024-06-16/file-f6f18f6c-dc32-4072-9310-1ea1ea256432/800x450.webp)
Сурет: Zakon.kz
Айта кетсек, көрнекті мемлекет және қоғам қайраткері Мұрат Әуезов 82 жасына қараған шағында дүниеден озды (1943 жылы 1 қаңтарда Жамбыл облысы, Меркі ауылында дүниеге келген). Ол - қазақ әдебиетінің көрнекті жазушысы, драматург, ғалым, қазақтың тұңғыш роман-эпопеясы - "Абай жолының" авторы Мұхтар Әуезовтің баласы.
1965 жылы М.В. Ломоносов атындағы Мәскеу мемлекеттік университетінің Шығыс тілдері институтын филолог-шығыстанушы мамандығы бойынша бітірді.
Қазақстан өз тәуелсіздігін жариялаған кезде елді өзгертуге белсене қатысты. Әуезов "Невада-Семей" халықаралық антиядролық қозғалысының вице-президенті (1989-1990) болды. Парламент депутаты болып, әдеби зерттеулермен айналысты, Қазақстан Республикасының Қытай Халық Республикасындағы тұңғыш елшісі қызмет атқарды.
Мұрат Әуезов 2007 жылдан бері Мұхтар Әуезов атындағы қорды басқарып келді; І дәрежелі "Барыс" орденінің иегері.