Астанадағы Ұлы Дала даңғылының тағы бір бөлігі жөндеуге жабылады

Сурет: Zakon.kz

Маусымның 24-і мен 25-і аралығында Ұлы Дала даңғылының бойындағы Мәңгілік Елден Жошы ханға дейінгі жол бөлігі толығымен жабылады, деп хабарлайды Zakon.kz.

Елордалық Көлік және жол-көлік инфрақұрылымын дамыту басқармасы Мәңгілік Ел даңғылынан Жошы хан көшесіне дейінгі учаскеде Ұлы Дала даңғылында жол төсемінің жоғарғы қабатын төсеу жұмыстарын жүргізуде, деп хабарлайды Астана әкімдігінің ресми сайты.

Сурет: Астана қаласы әкімдігінің баспасөз қызметі

Осыған байланысты 24-25 маусым күндері жоғарыда аталған учаске толығымен жабылатын болады, оның ішінде Ұлы Дала даңғылы - А.Бөкейхан көшесінің қиылысы.

Елорда тұрғындары мен қонақтарынан қала жолдарындағы кептелістерді болдырмау мақсатында өз маршруттарын алдын ала жоспарлауды сұрайды.

Бұған дейін Сарыарқа-Жангелдин қиылысы толығымен жабылған болатын.

Оқи отырыңыз