Бишімбаевтың апелляциясы: қорғаушы тарап үкімнің күшін жояды деп күтеді

Сурет: Zakon.kz/Елисеева Екатерина

26 маусымда Астанада экс-министр Қуандық Бишімбаев пен оның немере ағасы Бақытжан Байжановтың ісі бойынша апелляциялық тыңдау басталды. Адвокат Ерлан Ғазымжанов қорғаныс тарапының ұстанымын айтты, деп хабарлайды Zakon.kz.

Ғазымжанов қорғаушы тарап Бишімбаевқа берілген үкіммен келіспейтінін және оны заңсыз деп санайтынын мәлімдеді:

"Судья өткізбеген төртінші кезең – жеребе тастау. Төртінші кезеңде біз дәл 17 үміткерді таңдауымыз керек еді. Ол кезде бізде 21 үміткер болды. Заңда нақты жазылған: егер 17-ден астам кандидат қалса, төрағалық етуші отырысқа қатысқандардың санын жариялайды, содан кейін олардың тегі көрсетілген билеттерді формаға түсіреді. Формада 17 үміткер қалуы үшін бірнеше билетті араластырып, шығарады",-деді адвокат.

Ол сондай-ақ, қорғаушы мұның үкімнің күшін жоюға негіз болатынын түсіндірді.

"Алғашқы сот отырысынан бастап судья жәбірленуші тарапқа жақтасып, тиімсіз үміткерлерді алып тастауға көмектесті. Құрам сотталушыларға әділ үкім шығару мүмкіндігі аз болатындай етіп таңдалды".Ерлан Ғазымжанов

Бұған қоса Бишімбаевтың телефоны мөрленіп, өздеріне зерттеуге рұқсат етілмегенін айтты.

"Бұрын таныспаған телефонды сотта зерттей алмаймыз. Біз сотта кенеттен туындаған жағдайларда жұмыс істемеуіміз керек. Әрбір фактті жоққа шығару үшін немесе керісінше, қорғауға қолдану үшін дайын болуымыз керек. Алайда сот бұл өтінішті қанағаттандырудан заңсыз бас тартты", – деп қорытындылады ол.

Оқи отырыңыз