Қуандық Бишімбаевтың апелляциялық соты – 26 маусым

Сурет: Telegram/Jogargy_sot

Бүгін, 2024 жылғы 26 маусымда Астанада экс-министр Қуандық Бишімбаев пен Бақытжан Байжановтың апелляциялық шағымын қарау бойынша сот отырысы басталды, деп хабарлайды Zakon.kz.

Сот залынан онлайн-трансляцияны Қазақстанның Жоғарғы соты жүргізеді.

Еске салайық, 2024 жылы 13 мамырда Қуандық Бишімбаев 24 жылға, Бақытжан Байжанов төрт жылға бас бостандығынан айырылған болатын.

27 мамырда елордалық сотқа Қуандық Бишімбаев пен Бақытжан Байжановқа қатысты бірінші инстанция сотының үкіміне апелляциялық шағым түскені белгілі болды. Кейін Бишімбаевтың адвокаты өтініштің мәнін айтты.

14 маусымда Қазақстан Республикасы Жоғарғы Сотының қылмыстық істер жөніндегі сот алқасының төрағасы Назгүл Рахметуллина Қуандық Бишімбаев пен Бақытжан Байжановқа қатысты қылмыстық іс бойынша апелляциялық шағым қанша уақытқа дейін қаралуы мүмкін екенін айтты.

Оқи отырыңыз