Қытайда сауда орталығы өртеніп, 16 адам қаза тапты

Қытайдың оңтүстік-батысындағы Цзыгунь қаласында сауда орталығы өртенді, деп хабарлайды Zakon.kz.

Соңғы мәліметке қарағанда, 16 адам қаза тауып, 75-і құтқарылды.

Оттың неден тұтанғаны әзірге белгісіз, деп жазады qazaqstan.tv.

Оның себебін мамандар анықтауға кірісті. "Синьхуа" агенттігінің мәліметінше, жалын 14 қабатты коммерциялық ғимаратты шарпыған.

Құтқарушылар дер кезінде жетсе де, кейбір адамдарды аман алып қалу мүмкін болмапты.

Қазір құтқару операциясы жалғасып жатыр. Өрт басталғанда іште адам көп болған.