Алматы полициясы автобус жүргізушілерінің көлік жүргізу мәдениетін бақылауға алды
![Алматы полициясы автобус жүргізушілерінің көлік жүргізу мәдениетін бақылауға алды, сурет - Zakon.kz жаңалық 25.07.2024 12:50](https://kaz.zakon.kz/pbi/WEBP/2024-07-25/file-a211c0ce-801f-4498-a94b-bea59ac0daa4/400x225.webp)
Алматыда полицейлер қоғамдық көлікте оқу-жаттығу жүргізеді. Бұл туралы Zakon.kz тілшісіне 2024 жылдың 25 шілдесінде қалалық ішкі істер бөлімінен хабарлады.
23-28 шілде аралығында Алматыда "Қоғамдық көлік" алдын алу іс-шарасы өтуде. Мақсат – жол-көлік оқиғаларын азайту және жолаушылар тасымалымен айналысатын жүргізушілердің көлік жүргізу мәдениетін арттыру.
"Қоғамдық көлікте жолаушыларды тасымалдау кезінде жол қозғалысы ережелері мен талаптарын сақтау маңызды. Кеше шаһарда "Қоғамдық көлік" жедел-алдын алу іс-шарасы басталды. Осыған байланысты автобустардың техникалық жағдайы мұқият тексеріліп, жүргізушілердің жол қозғалысы ережелерін сақтауы қадағалануда. Қоғамдық көлік жүргізушілері жол ережесін жиі бұзады. Бір-бірімен жарысатын автобустар жолаушылардың қауіпсіздігіне немқұрайлы қараған жағдайлар да болды", - дейді, Алматы қалалық ПД Жергілікті полиция қызметі Басқармасы басшысының орынбасары Тимур Ноғайбаев.
Спикердің айтуынша, жыл басынан бері жол ережесін бұзған 100 қоғамдық көлік жүргізушісі әкімшілік жауапкершілікке тартылған.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript