Қазақстандықтар 10 млн долларлық байлықтан айырылды
Фото: pixabay
ҚР Бас прокуратурасының активтерін қайтару комитеті 2024 жылғы 23 тамызда 10 млн АҚШ долларынан астам сомаға пайда болуы түсініксіз байлық туралы алғашқы сот актісінің орындалғаны туралы мәлімдеді, деп хабарлайды Zakon.kz.
Ведомствоның ақпаратынша, "Заңсыз иемденілген активтерді мемлекетке қайтару туралы" Заң субъектісінің активтерді иемдену көздерінің заңдылығын мониторингілеу және талдау шеңберінде онымен үлестес тұлғаларда пайда болуы түсініксіз активтері анықталды.
"Ағымдағы жылы активтерді қайтару жөніндегі комитет 10 млн АҚШ долларынан астам сомаға активтерді мемлекет кірісіне айналдыру туралы талап арыз берді. Сот талқылауы барысында жауапкерлер өздеріне тиесілі активтерді иемдену көздерінің заңдылығын дәлелдей алмады. Бірінші сатыдағы сот Активтерді қайтару жөніндегі комитеттің талаптарын толық қанағаттандырды, сот алқасының қаулысымен жауапкерлердің апелляциялық шағымдары қанағаттандырусыз қалдырылды",- делінген хабарламада.
Cот шешімін орындау аясында мемлекет кірісіне қолма-қол ақша, қымбат зергерлік бұйымдар, сарапшылардың пікірінше тамыры сақ дәуірінен бастау алатын тарихи-мәдени мұра заттары айналдырылды.
"Бұл жағдайда активтерді мәжбүрлеп қайтару механизмі қолданылғанына қарамастан, активтерді ерікті түрде қайтаруды ынталандыру "Заңсыз иемденілген активтерді мемлекетке қайтару туралы" Заңның негізгі қағидаты болып табылады және болып қала береді",- деп нақтылады ведомство.
Бұған дейін Қайрат Сатыбалдыұлының мемлекетке 50 миллиард теңгеден астам активті қайтарғаны хабарланған болатын.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
