Жапониядағы "Шаньшань" тайфунның соққысынан 3 адам қаза тапты

Жапонияның оңтүстік батысында "Шаньшань" тайфуны қатты соқты. Соңғы мәліметке қарағанда, Кагошима префектурасында үш адам қаза тауып, ондаған адам жараланды.

Сонымен қатар ғимараттар зақымданып, ағаштар құлап, жеті префектурада 250 мыңнан астам үй жарықсыз қалған.

Бұған қоса 600-дей ішкі рейс доғарылып, Кюсю аралында пойыздар тоқтады, деп жазады qazaqstan.tv.

Жергілікті синоптиктердің ескертуінше, сағатына 198 шақырым жылдамдықпен орай да борай соққан тайфун апта соңында елдің орталығына, шығысына және мемлекет астанасы Токиоға жақындауы мүмкін.