Астанада брендтік киім дүкенінен ұрлық жасаған әйел құрықталды

Центр оперативного управления департамента полиции, сотрудники полиции, видеонаблюдение, правонарушения, телефон полиции, полиция, ЦОУ, заведенные дела, дело, полицейский, показание, показания, заявление, заявления, сурет - Zakon.kz жаңалық 11.09.2024 10:34

Сурет: Zakon.kz

Нұра ауданы ПБ жедел уәкілдері жедел-іздестіру іс-шараларын жүргізу барысында дүкеннен ұрлық жасады деген күдікпен 30 жастағы қала тұрғынын анықтады, деп хабарлайды Zakon.kz.

Полицейлерге сауда орталығының қызметкері хабарласып, белгісіз біреу дүкеннен киім-кешектер ұрлап, жалпы құны 65 мың теңгеден астам шығын келтіргенін хабарлаған.

Тергеу барысында әйел сауда залына келіп, клиент кейпінде тауарды таңдай бастағаны анықталды. Өзіне ұнаған киімдерді алып киіну бөлмесіне барып, ұрлыққа қарсы магниттерін шешіп тастаған. Содан кейін тауарды жасырын алып, дүкеннен шығып кеткен.

Аталған факті бойынша тергеу амалдары жүргізіліп жатыр, оның елордада жасалған осыған ұқсас басқа да қылмыстарға қатыстылығы тексеріледі. Астана қаласы полиция департаменті сауда нүктелерінің иелеріне абай болуды және жұмыс орнын қараусыз қалдырмауды қатаң түрде ескертеді. Үй-жайларды бейнебақылау камераларымен жабдықтаңыз және дүкендерде ұрлыққа қарсы сенімді жүйелерді енгізіңіз.

Оқи отырыңыз