11 қыркүйектегі саудада доллар аздап көтерілді

Доллары, тенге, деньги, обмен валют, сурет - Zakon.kz жаңалық 11.09.2024 16:01

Фото: Zakon.kz

Қазақстан қор биржасында (KASE) 2024 жылғы 11 қыркүйекте сағат 15:30-да шетел валюталары бойынша күнделікті сауда-саттық жабылды, деп хабарлайды Zakon.kz.

Сауда-саттықтың қорытындысы бойынша доллардың орташа сараланған бағамы 0,18 теңгеге көтеріліп, 477,62 теңгені құрады.

Қытай юанінің бағамы 67,11 теңгеге (-0,04) дейін көтерілді.

Ақша айырбастау орындарында доллар 477,9-479,9 теңгеге, еуро 526-530,5 теңгеге, ресей рублі 5,21-5,31 теңгеге сатылуда.

Ал, мұнайдың әлемдік бағасы бір күн бұрын рекордтық құлдыраудан кейін 11 қыркүйектегі аукционда көтеріліп жатыр.

Осылайша, Лондонның ICE (InterContinental Exchange) биржасында Brent маркалы мұнай баррелі 0,88 долларға қымбаттап, 70,07 долларды құрады.

Нью-Йорк NYMEX (New York Merchantile Exchange) биржасында Light мұнайының бағасы барреліне 0,84 долларға өсіп, 66,59 долларды құрады.

11 қыркүйек күні таңертең Ұлттық банк доллар бағамын 477,45 теңге, еуроны 527,1 теңге, рубльді 5,24 теңге деп белгіледі.

Оқи отырыңыз